Entschleunigen

von Moritz Danner

Owa vom Gas
Aufd Bremsn druckn
Im buach das Café am Rande der Welt
Steht: „Ma soid ses von die Schildkröten obschauen.“
Den Wellen folgen
Wenn de Wellen auf an zua Kumman
Chilln, sich treiben lassen, oder wie guade oide Entschleunigungsprofi Thoreau des gmocht hod, einfoch in woid eini
Spazieren Lustwandeln sich verlaufen.
Des is wie sich verlieben, des kann Ma zuslassen wenn ma mog wenn ma des ned mog is jo a Hoib so schlimm weil Ma jo a für des a Leben lang Zeit hat.

Den Woid kann Ma sich aussuachn.
Des kann Ma gern metaphorisch seng
Manche megn echte Bam, so wie da Relaxo Reinhardt, kann i guad nachvollziehen Birken, Zirben so guad kenn i mi do a ned aus, i was nur das letztere, gscheid guad riachn.

Manche megn die Stadt mit de Häuser, und der Fülle von leid, de olle unterschiedlich ausschauen und unterschiedlich drauf san manche san guad drauf, manche schlecht, manche schaun an sogar in de Augen, fast unglaublich sowos.
Ka Angst haben, einfach moi hallo sogn
Egal wo, is jo nix dabei, vielleicht bist
Ja du der Mensch der dem anderen den Tag versüßt, auf andere Gedanken bringt und auf’d Bremsn druckt.